நாகப்பட்டினம் மாவட்டம் திருப்பூண்டி அரசு மருத்துவமனையில் ஹிஜாப் அணிந்த பெண் மருத்துவருக்கு மிரட்டல் : பாஜக நிர்வாகி மீது வழக்குப்பதிவு
May 26 2023 2:48PM
எழுத்தின் அளவு:
அ +
அ -
அ
நாகை மாவட்டம் திருப்பூண்டி அருகே இரவு பணியில் இருந்த பெண் மருத்துவரை ஹிஜாபை கழற்ற சொல்லி ரகளையில் ஈடுபட்ட பாஜக நிர்வாகியின் வீடியோ வைரலாகி வருகிறது. சிந்தாமணியை சேர்ந்த சுப்பிரமணியன் என்பவரை நெஞ்சுவலி காரணமாக, அதே பகுதியை சேர்ந்த பாஜக நிர்வாகி புவனேஷ்ராம், திருப்பூண்டி அரசு மருத்துவமனைக்கு அழைத்து சென்றுள்ளார். அப்போது அங்கிருந்த மருத்துவர் சுப்ரமணியனை பரிசோதித்துவிட்டு, நாகை அரசு மருத்துவமனைக்கு அழைத்து செல்ல அறிவுறுத்தி உள்ளார். இந்நிலையில் பாஜக நிர்வாகி புவனேஷ்ராம், இங்கேயே மருத்துவம் பார்க்க வேண்டும் என கூறி, செல்போனில் வீடியோ எடுத்தபடி வாக்குவாதத்தில் ஈடுபட்டார். அப்போது ஹிஜாப் எதற்கு அணிந்துள்ளீர்கள் என்றும், இஸ்லாமிய பெண் அரசு மருத்துவரிடம் அத்துமீறி ரகளையில் ஈடுபட்ட வீடியோ வைரலாகி வருகிறது.