புதுக்கோட்டை அருகே மஞ்சு விரட்டு போட்டியின்போது காளை முட்டி ஒருவர் பலி : காளைகள் முட்டியதில் 10-க்கும் மேற்பட்ட வீரர்கள் காயம்
May 31 2023 6:53PM
எழுத்தின் அளவு:
அ +
அ -
அ
புதுக்கோட்டை மாவட்டம் பொன்னமராவதி அருகே நடைபெற்ற மஞ்சு விரட்டு போட்டியின் போது மாடு முட்டியதில், பார்வையாளர் ஒருவர் சம்பவ இடத்திலேயே பரிதாபமாக உயிரிழந்தார். பொன்னமராவதி அருகே உள்ள கீழவேகுபட்டி கிராமத்தில் கோயில் திருவிழாவை முன்னிட்டு மஞ்சு விரட்டு போட்டி நடைபெற்றது. இந்நிலையில் மஞ்சுவிரட்டில் அவிழ்த்து விடப்பட்ட காளைகளை அடக்கியபோது மாடு முட்டி 10-க்கும் மேற்பட்டோர் காயமடைந்த நிலையில், போட்டியை ரசித்துக் கொண்டிருந்த பார்வையாளரான சிங்க ராவணன் என்பவரை மாடு முட்டியதில் அவர் சம்பவ இடத்திலேயே உயிரிழந்தார். தகவல் அறிந்து சென்ற பொன்னமராவதி போலீசார், சிங்க ராவணனின் உடலை மீட்டு பிரேத பரிசோதனைக்காக அனுப்பிவைத்து, இதுகுறித்து விசாரணை நடத்தி வருகின்றனர்.