தமிழகத்தில் வெப்பத்தை தணிக்கும் வகையில் பரவலாக மழை : சென்னை நகரில் வெப்பம் குறைந்து இருக்கும் என சென்னை வானிலை ஆய்வு மையம் தகவல்
Jun 24 2017 3:11PM
எழுத்தின் அளவு:
அ +
அ -
அ
தமிழகத்தில் வெப்பத்தை தணிக்கும் வகையில் பரவலாக மழை பெய்து வரும் நிலையில், சென்னை நகரில் வெப்பம் குறைந்து, அதிகபட்ச வெப்பநிலை 35 டிகிரி செல்சியஸை ஒட்டியே இருக்கும் என சென்னை வானிலை ஆய்வு மையம் தெரிவித்துள்ளது.
காஞ்சிபுரத்தில் 6 சென்டி மீட்டரும், செங்கல்பட்டு, வால்பாறையில் தலா 4 சென்டி மீட்டர் மழை பெய்துள்ள நிலையில், வெப்ப சலனம் காரணமாக, ஓரிரு இடங்களில் இடியுடன் கூடிய மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. சென்னை நகரைப் பொறுத்தவரை வானம் மேகமூட்டத்துடன் காணப்படும் என்றும், வெப்பநிலை அதிகபட்சமாக 35 டிகிரியும், குறைந்த பட்சமாக 28 டிகிரியும் இருக்கும் என வானிலை மையம் தெரிவித்துள்ளது.