நடிகர் சூர்யாவை தனிப்பட்ட முறையில், சன் தொலைக்காட்சி நிகழ்ச்சியில் கேலி செய்ததற்கு கண்டனம் - சன் தொலைக்காட்சி அலுவலகம் அருகே சூர்யா ரசிகர்கள் ஆர்ப்பாட்டம்
Jan 20 2018 3:00PM
எழுத்தின் அளவு:
அ +
அ -
அ
சன் தொலைக்காட்சி குழும நிகழ்ச்சியில் நடிகர் சூர்யாவை தனிப்பட்ட முறையில் கேலி செய்ததற்கு கண்டனம் தெரிவித்து, சூர்யா ரசிகர்கள் சன் டிவி அலுவலகம் முன்பு ஆர்ப்பாட்டம் நடத்தினர்.
சன் தொலைக்காட்சி குழும நிகழ்ச்சியில் நடிகர் சூர்யாவை, நடிகர் அமிதாபச்சனுடன் ஒப்பிட்டு, தனிப்பட்ட முறையில் விமர்சித்ததாக கூறப்படுகிறது. இதனால் ஆத்திரமடைந்த சூர்யா ரசிகர்கள், சென்னை எம்.ஆர்.சி நகரில் உள்ள சன் டிவி அலுவலகம் முன் ஆர்ப்பாட்டத்தில் ஈடுபட்டனர்.
இதனிடையே, ரசிகர்களுக்கு நடிகர் சூர்யா வேண்டுகோள் விடுத்துள்ளார். தரம்தாழ்ந்த விமர்சனங்களுக்கு எதிர்வினையாற்ற வேண்டாம் என்றும், ரசிகர்கள் தங்களின் நேரத்தையும், சக்தியையும் பயனுள்ள செயல்களுக்கு செலவிடுங்கள் என்றும் அவர் கேட்டுக்கொண்டுள்ளார்.