கோரிக்கைகளை நிறைவேற்ற வலியுறுத்தி ஜாக்டோ-ஜியோ சார்பில் ஜீன் 11ம் தேதி முதல் சென்னையில் காலவரையற்ற உண்ணாவிரதப் போராட்டம் நடைபெறும் என திருச்சியில் நடந்த உயர்மட்ட குழு கூட்டத்தில் தீர்மானம் நிறைவேற்றப்பட்டது.

ஜாக்டோ-ஜியோ அமைப்பின் மாநில உயர்மட்டகுழு கூட்டம் திருச்சியில் நடைபெற்றது. இக்கூட்டத்தில் கடந்த மே-8ம் தேதி சென்னையில் நடந்த போராட்டத்தில் கலந்து கொண்ட ஆசிரியர்களுக்கு வாழ்த்து தெரிவிக்கப்பட்டும், போராட்டத்தின்போது காவல்துறையினர் நடவடிக்கையை கண்டித்தும் தீர்மானம் நிறைவேற்றப்பட்டது. மேலும் பழைய ஓய்வூதிய திட்டத்தையே நடைமுறைப்படுத்த வேண்டும், ஊதிய முரண்பாடுகளை கலைய வேண்டும், அரசாணை 56ஐ ரத்து செய்யவேண்டும், அரசு பள்ளிகளை மூடும் நடவடிக்கைகளை அரசு கைவிட வேண்டும் என்பன உள்ளிட்ட கோரிக்கைகளை வலியுறுத்தி, வரும் ஜீன் மாதம் 11ம் தேதி சென்னையில் காலவரையற்ற உண்ணாவிரத போராட்டமும், அன்று முதல் மாவட்ட தலைநகரங்களில் தினந்தோறும் ஆர்ப்பாட்டமும் நடைபெறும் எனவும் கூட்டத்தில் முடிவெடுக்கப்பட்டது. இக்கூட்டத்தில் ஜாக்டோ-ஜியோ அமைப்பின் உயர்மட்ட குழு உறுப்பினர்கள் திரளானோர் கலந்து கொண்டனர்.