மத்திய அரசின் புதிய தேசிய கடல் சட்ட வரைவுக்கு எதிர்ப்பு - கருத்துக் கேட்பு கூட்டத்திலிருந்து ராமநாதபுரம் மாவட்ட மீனவர்கள் வெளிநடப்பு
Sep 17 2019 12:09PM
எழுத்தின் அளவு:
அ +
அ -
அ
மத்திய அரசின் புதிய தேசிய கடல் சட்ட வரைவுக்கு எதிர்ப்பு தெரிவித்து, ராமநாதபுரத்தில் நடைபெற்ற கருத்துக் கேட்பு கூட்டத்தில் இருந்து, மீனவர்கள் வெளிநடப்பு செய்தனர்.
மத்திய அரசின், புதிய தேசிய கடல்வள சட்ட வரைவு - 2019 குறித்த கருத்துக் கேட்பு கூட்டம், ராமநாதபுரத்தில், மீன்துறை துணை இயக்குனர் அலுவலகத்தில், துணை இயக்குனர் காத்தவராயன் தலைமையில் நடைபெற்றது. இதில், பாரம்பரிய மீனவர்கள் மற்றும் விசைப்படகு மீனவர்கள் பங்கேற்றனர்.
மத்திய அரசின் இந்த வரைவு சட்டத்தில் பல்வேறு கட்டுப்பாடுகள் இருப்பதால், மீனவர்களின் வாழ்வாதாரம் பாதிக்கப்படுகிறது. இதனால் ஏற்கனவே தமிழகத்தில் செயல்படுத்தப்பட்டு வரும் மீன்பிடி சட்டத்தையே தொடர்ந்து அமல்படுத்த வேண்டும் என்றுக் கூறி, கருத்துக் கேட்பு கூட்டத்தில் இருந்து மீனவர்கள் வெளிநடப்பு செய்தனர். மேலும், மீன் துறை உதவி இயக்குனர் அலுவலகம் முன், மீனவர்கள் ஆர்ப்பாட்டத்தில் ஈடுபட்டனர்.