அரசுவேலை வாங்கித் தருவதாக 50 லட்சம் ரூபாய் மோசடி - காவல்துறை ஆணையர் அலுவலகத்தில் பாதிக்கப்பட்டவர்கள் புகார்
Nov 12 2019 6:38PM
எழுத்தின் அளவு:
அ +
அ -
அ
அரசு அதிகாரி போல் நடித்து, வேலை வாங்கித் தருவதாக, 50 லட்சம் ரூபாய் மோசடி செய்த நபர் மீது நடவடிக்கை எடுக்க வலியுறுத்தி, காவல் ஆணையர் அலுவலகத்தில் பாதிக்கப்பட்டவர்கள் புகார் அளித்தனர்.
காஞ்சிபுரம் மாவட்டத்தைச் சேர்ந்த கார்த்திகேயன் என்பவர், நீண்ட நாட்களாக அரசு வேலைக்காக முயற்சி செய்து வருகிறார். இந்நிலையில், இவருக்கு அம்பத்தூர் பகுதியைச் சேர்ந்த மனோகர் என்பவருடன் பழக்கம் ஏற்பட்டுள்ளது. அரசு வேலை வாங்கித் தருவதாகக் கூறி, கார்த்திகேயனிடம், மனோகர் பணம் வாங்கி உள்ளார். ஆனால், வேலை வாங்கித் தராமல் ஏமாற்றி வந்துள்ளார். இது போல், 11 பேரிடம் இருந்து 50 லட்சம் ரூபாய் வரை, மனோகர் வாங்கி உள்ளார். மனோகர் மோசடி செய்ததை அறிந்த கார்த்திகேயன் உள்ளிட்டோர், திருவல்லிக்கேணி காவல் நிலையத்தில் புகார் அளித்தனர். மேலும், காவல் ஆணையர் அலுவலகத்திலும் புகார் அளித்துள்ளனர்.