ராமநாதபுரம் மாவட்டம் தேர்த்தங்கால் பறவைகள் சரணாலயத்தில் குவிந்த வெளிநாட்டு பறவைகள் - ஆஸ்திரேலியா, சைபீரியா, கனடா உள்ளிட்ட நாடுகளிலிருந்து வருகை
Nov 14 2019 8:44PM
எழுத்தின் அளவு:
அ +
அ -
அ
ராமநாதபுரம் மாவட்டம் தேர்த்தங்கால் பறவைகள் சரணாலயத்தில் 5 ஆண்டுகளுக்குப் பிறகு ஆயிரக்கணக்கான வெளிநாட்டு பறவைகள் வந்து குவிந்துள்ளன.
ராமநாதபுரம் மாவட்டத்தில் கடந்த சில ஆண்டுகளாக பருவமழை பொய்த்துப் போய் வறட்சியாக காணப்பட்டது. இதன் காரணமாக வெளிநாட்டிலிருந்து வழக்கம்போல் வரும் பறவைகள் வருகை தரவில்லை. ஆனால் இந்த ஆண்டு தொடக்கத்தில் வடகிழக்கு பருவமழை அதிகமாக பொழிந்ததால், நீர்நிலைகளில் தண்ணீர் நிரம்பி காணப்படுகிறது. இதனால் ஆஸ்திரேலியா, சைபீரியா, கனடா, இலங்கை உள்ளிட்ட நாடுகளில் இருந்து நத்தைகொத்தி நாரை, வெள்ளை அரிவாள்மூக்கன், பாம்பு தாரா, சாம்ப லத்தின் நாரை, கரண்டிவாய் மூக்கன், கருப்பு அரிவாள்மூக்கன், வெள்ளை அரிவாள்மூக்கன் உள்ளிட்ட வெளிநாட்டு பறவைகள் பல்லாயிரக்கணக்கில் வந்து குவிந்து, தேர்த்தங்கால் பறவைகள் சரணாலயத்தில் உள்ள மரங்களில் கூடுகட்டி தங்கியுள்ளன.