தென்காசியில் காவல்நிலையம் எதிரிலேயே இளம்பெண்ணை கத்தியால் குத்திய காவலர் கைது
Dec 9 2019 11:55AM
எழுத்தின் அளவு:
அ +
அ -
அ
தென்காசியில் காவல்நிலையம் எதிரிலேயே இளம்பெண்ணை கத்தியால் குத்திய காவலர் கைது செய்யப்பட்டார்.
அம்பாசமுத்திரத்தைச் சேர்ந்த தட்சிணாமூர்த்தி என்பவர் வீரவநல்லூர் காவல் நிலையத்தில் பணியாற்றி வருகிறார். இவருக்கும் கடையத்தை சேர்ந்த முப்பிடாதி சக்தி என்ற பெண்ணுக்கும் தொடர்பு ஏற்பட்டதாக கூறப்படுகிறது. இந்நிலையில் தட்சிணாமூர்த்தியை சந்திப்பதை முப்பிடாதி தவிர்த்து வந்துள்ளார். இதனால் ஆத்திரமடைந்த தட்சிணாமூர்த்தி கடையம் காவல் நிலையம் எதிரே உள்ள முப்பிடாதி வீட்டுக்கு சென்று அவரை கத்தியால் குத்தினார். உடனடியாக அவர் சிகிச்சைக்காக தென்காசி அரசு மருத்துவமனையில் அனுமதிக்கப்பட்டார். காவலர் தட்சணாமூர்த்தியை கைது செய்து போலீசார் விசாரித்து வருகின்றனர்.