தென் தமிழகத்தில் கடல் கொந்தளிப்புடன் காணப்படும் என்பதால், மீனவர்கள் மிக கவனமுடன் கடலுக்‍குள் செல்ல வேண்டும் என, சென்னை வானிலை ஆய்வு மையம் அறிவுறுத்தியுள்ளது.

தென்மேற்கு வங்க கடலில் நிலவி வந்த வளிமண்டல சுழற்சி இன்று, குமரி கடல் மற்றும் அதனை ஒட்டியுள்ள இந்திய பெருங்கடல் பகுதியில் நிலைக்‍ கொண்டுள்ளது. இதன் காரணமாக தமிழகம் மற்றும் புதுச்சேரி மாநிலங்களில், மிதமான மழைக்‍கு வாய்ப்புள்ளதாக கூறப்பட்டுள்ளது. மேலும் பல இடங்களில் வறண்ட வானிலையே தென்படும் என்றும் தெரிவித்துள்ளது.

தென் தமிழகத்தில் கடல் கொந்தளிப்புடன் காணப்படும் என குறிப்பிட்டுள்ள வானிலை ஆய்வு மையம், அலைகள் 2 மீட்டர் முதல் 3 புள்ளி 4 மீட்டர் உயரம் வரை உயரும் என தெரிவித்துள்ளது. இதனால் மீனவர்கள் மிக கவனத்துடன் கடலுக்‍கு செல்ல வேண்டும் கேட்டுக்‍ கொண்டுள்ளது. கடந்த 24 மணி நேரத்தில் நீலகிரி மாவட்டம் குன்னூரில், 27 மில்லி மீட்டர் மழை பதிவாகியுள்ளது. சென்னையை பொறுத்தவரை வானம் மேகமூட்டத்துடன் காணப்படும் என்றும், நகரின் ஒரிரு இடங்களில் லேசான மழைக்கு வாய்ப்புள்ளதாகவும் தெரிவிக்‍கப்பட்டுள்ளது.