திருச்சி மாவட்டம், அரியமங்கலம் அருகே இரு தரப்பினருடையே ஏற்பட்ட மோதலில், சிறுவன் அடித்துக் கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.

மேலஅம்பிகாபுரம் பகுதியைச் சேர்ந்த அலியார் என்பவரது 12 வயது மகன் அப்துல் வாஹித், கடந்த 3-ம் தேதியிலிருந்து வீட்டிற்கு திரும்பவில்லை. இது குறித்து அவரது பெற்றோர் அளித்த புகாரில் வழக்குப்பதிவு செய்து விசாரணை மேற்கொண்ட காவல்துறையினர், சந்தேகத்தின்பேரில் சரவணன் உட்பட 4 பேரிடம் விசாரணை மேற்கொண்டனர். தங்களுடன் இருந்து கொண்டே எதிர்தரப்பினருக்கு தகவல் அளித்து வந்ததால், மதுபோதையில் அப்துலை தாக்கியபோது சம்பவ இடத்திலேயே உயிரிழந்ததாக நால்வரும் தெரிவித்துள்ளனர்.

அதன்பின்னர், அப்துல் வாஹித்தின் உடலை அருகிலுள்ள அரியமங்கலம் குப்பைக் கிடங்கிற்கு தூக்கி சென்று புதைத்தும் விசாரணையில் தெரியவந்தது. இதனைத் தொடர்ந்து, சிறுவனின் உடலை மீட்ட காவல்துறையினர், அங்கேயே பிரேத பரிசோதனை செய்தனர். சிறுவர்களுக்கிடையே ஏற்பட்ட மோதலில், 12 வயது சிறுவன் கொல்லப்பட்ட சம்பவம் அதிர்ச்சியை ஏற்படுத்தியுள்ளது.