சீனாவில், ‍கோவிட் - 19 எனப்படும் கொரோனா வைரஸ் காய்ச்சலில் பலியானோரின் எண்ணிக்கை, ஆயிரத்து 765 ஆக உயர்ந்துள்ளது.

அண்டை நாடான, சீனாவின் வூகான் நகரில் பரவிய கொரோனா வைரஸ் காய்ச்சல், கடந்த 2 மாதங்களாக சீன மக்‍களை மிகுந்த பீதியில் ஆழ்த்தி வருகிறது. சீனா மட்டுமின்றி, ஹாங்காங், ஃபிலிப்பைன்ஸ், தாய்லாந்து, தென்கொரியா, அமெரிக்கா, ஃபிரான்ஸ், கனடா உட்பட மேலும் 25 நாடுகளுக்‍கும் வைரஸ் பரவியதால், சர்வதேச அளவில் Corona Virus அச்சம் அதிகரித்துள்ளது.

இந்நிலையில், Corona Virus காய்ச்சல் காரணமாக, சீனாவில் உயிரிழந்தோர் எண்ணிக்‍கை ஆயிரத்து 765-ஆக உயர்ந்துள்ளது. மேலும், 68 ஆயிரம் மேற்பட்டோருக்கு கொரோனா வைரஸ் பாதிப்பிருப்பதும் தெரியவந்துள்ளது. இதற்கிடையே, கொரோனா வைரசால் பாதிக்கப்பட்டவர்களுக்கு, 3 ஆயிரம் ஆண்டுகள் பழமையான மருந்துகளை சீனா கொடுத்து குணப்படுத்த முயன்று வருகிறது. அதற்கு நல்ல பலன் கிடைத்திருப்பதாக சொல்லப்படுவதால், பாரம்பரிய சீன மருத்துவர்கள் 2 ஆயிரத்து 200 பேர், ஹுபே மாகாணத்திற்கு அனுப்பி வைக்கப்பட்டுள்ளனர்.