"கோவிட்-19" வைரசை எதிர்த்து போராடி வரும் சீன மருத்துவர்கள் : ஓவியங்கள் மூலம் பாராட்டு தெரிவிக்கும் ரஷ்ய குழந்தைகள்
Feb 24 2020 2:46PM
எழுத்தின் அளவு:
அ +
அ -
அ
சீனாவில் "கோவிட்-19" வைரசை எதிர்த்து போராடி வரும் மருத்துவர்களுக்கு தங்களது ஆதரவை தெரிவிக்கும் வகையில், ரஷ்யாவிலுள்ள குழந்தைகள் ஓவியங்கள் வரைந்து அனுப்பியுள்ளனர். "கோவிட் -19" வைரசின் மையமாக விளங்கும் சீனாவிலுள்ள ஹூபேய் மாகாணத்தில் 32,396 மருத்துவப் பணியாளர்கள், நோய்த்தொற்றை எதிர்த்து இரவு பகலாக போராடி வருகின்றனர். இவர்களுக்கு ஆதரவு தெரிவிக்கும் வகையில், ரஷ்யாவின் வ்ளாடிவோஸ்க் நகரிலுள்ள குழந்தைகள், ஓவியங்கள் வரைந்துள்ளனர். வைரஸை எதிர்த்து போராடி வெற்றி பெறுவது போன்ற ஓவியங்களை குழந்தைகள் வரைந்துள்ளனர். இந்த ஓவியங்கள் சீனாவுக்கு அனுப்பி வைக்கப்படவுள்ளன. பொருளுதவி அளிப்பதை விட, இது போன்ற நெகிழ்ச்சியான தருணங்கள், மருத்துவர்களுக்கு மனதளவில் ஊக்கமளிக்கும் என நிகழ்ச்சி ஒருங்கிணைப்பாளர்கள் தெரிவித்துள்ளனர்.