அமெரிக்காவின் கலிஃபோர்னியா மாகாணத்தில் ஏற்பட்ட காட்டுத்தீயால், கடந்த ஒரு மாதத்தில் 32 லட்சம் ஏக்கர் வனப்பகுதிகள் தீக்கிரையாகியுள்ளது.

அமெரிக்காவின் கலிஃபோர்னியா மாகாணத்தில் கடந்த ஒரு மாதத்திற்கும் மேலாக காட்டுத் தீ பரவி வருகிறது. காட்டுத்தீயால் 5 ஆயிரத்து 400-க்கும் மேற்பட்ட வீடுகள் சேதமடைந்தன. பல லட்சம் மக்கள் இடமாற்றம் செய்யப்பட்டனர். 25 பேர் தீயில் சிக்கி உயிரிழந்தனர். கடந்த ஒரு மாதத்தில் மட்டும் கலிஃபோர்னியா காட்டுத்தீயில், 32 லட்சம் ஏக்கர் வனப்பகுதிகள் தீக்கிரையாகியுள்ளன.

ஓரேகான் மற்றும் வாஷிங்டன் மாகாணங்களில் கடந்த இரண்டு வாரங்களாக எரிந்து வரும் காட்டுத்தீயில், 16 லட்சம் ஏக்கர் காடுகள் தீயில் கருகின.

கலிஃபோர்னியா மாகாணத்தில் 26 இடங்களில் காட்டுத்தீ எரிந்து வருகிறது. 17 ஆயிரத்து 400 தீயணைப்பு வீரர்கள் தீயை அணைக்க போராடி வருகின்றனர். ஹெலிகாப்டர்கள் மற்றும் விமானங்கள் உதவியுடன் தீயை அணைக்கும் பணியில் வீரர்கள் ஈடுபட்டுள்ளனர்.