சோமாலியாவில் தீவிரவாதிகள் தற்கொலைத் தாக்குதல் : 20 பேர் உயிரிழப்பு; 30 பேருக்கு சிகிச்சை
Mar 7 2021 11:22AM
எழுத்தின் அளவு:
அ +
அ -
அ
சோமாலியாவில் தீவிரவாதிகள் நடத்திய தற்கொலைத் தாக்குதலில் 20 பேர் உயிரிழந்தனர், காயமடைந்த 30 பேருக்கு சிகிச்சை அளிக்கப்படுகிறது.
சோமாலியாவில் அல் ஷபாப் தீவிரவாதிகள் கடந்த பத்து ஆண்டுகளுக்கும் மேலாக அடிப்படைவாத தாக்குதல்களை நடத்திவருகின்றனர். தீவிரவாதிகளுக்கு எதிராக அந்நாட்டு அரசு பல்வேறு நடவடிக்கைகளை மேற்கொண்டாலும், தலைநகர் மொகாடிசுவை இலக்காகக் கொண்டு பெரும்பாலான தாக்குதல்கள் நடத்தப்பட்டுள்ளன. தற்போது துறைமுகத்தின் அருகே ஒரு உணவகத்தின் வெளியில் தற்கொலைத் தாக்குதல் நடத்தப்பட்டுள்ளது. வெடிபொருட்கள் நிரப்பப்பட்ட வாகனத்தில் வந்த தீவிரவாதி ஒருவன், மக்கள் நெருக்கம் அதிகமாக இருந்த இடத்தில் வெடிக்கச் செய்ததில் அப்பகுதியில் இருந்த 20 பேர் உயிரிழந்தனர். காயமடைந்த 30க்கும் மேற்பட்டோருக்கு சிகிச்சை அளிக்கப்பட்டுவருகிறது.