விண்வெளி சுற்றுலாவுக்கு தயாராகி வரும் Space X நிறுவனம் : ராக்கெட் மூலம் 4 பேர் பயணம் மேற்கொள்ளும் கவுண்டவுன் வரும் புதன் கிழமை தொடக்கம்
Sep 13 2021 7:34AM
எழுத்தின் அளவு:
அ +
அ -
அ
அமெரிக்காவைச் சேர்ந்த Space X நிறுவனம், ராக்கெட் மூலம் 4 பேரை விண்வெளிக்கு சுற்றுலாவுக்கு அனுப்ப தயாராகி வருகிறது.
விண்வெளி சுற்றுலாத் தொழில் உலகளவில் பிரபலமடையத் தொடங்கியுள்ளது. இதன் ஒரு பகுதியாக, அமெரிக்காவைச் சேர்ந்த Space X நிறுவனர் Elon Musk-ன் ராக்கெட் மூலம்,
Shift-4 Payments நிறுவனத்தின் தலைவர் Jared Isaacman என்ற கோடீஸ்வரரின் தலைமையிலான 4 பேர் கொண்ட குழுவினர், இந்த வாரம் விண்வெளிக்கு பயணம் மேற்கொள்கின்றனர். இந்தப் பயணத்திற்கான கவுண்டவுன் வரும் புதன் கிழமை தொடங்கவுள்ள நிலையில், Inspiration-4 என்று பெயரிடப்பட்டுள்ள விண்கலம், கென்டி விண்வெளி மையத்தில் இருந்து Space X நிறுவனத்தின் Falcon & 9 என்ற ராக்கெட் மூலம் விண்ணில் பாய தயாராகி வருகிறது. மணிக்கு 27 ஆயிரத்து 300 கிலோ மீட்டர் வேகத்தில் சீறிப்பாயும் இந்த விண்கலம், 90 நிமிடங்களுக்கு ஒருமுறை பூமியை முழுவதுமாக சுற்று வரும் என தெரிவிக்கப்பட்டுள்ளது. 3 நாட்கள் விண்வெளி பயணத்திற்குப் பிறகு அட்லாண்டிக் கடலில் பயணம் நிறைவடையும் என தெரிவிக்கப்பட்டுள்ளது. இதன்மூலம் விண்வெளிக்கு சுற்றுலாப் பயணம் மேற்கொண்ட முதல் பொதுமக்கள் என்ற சிறப்பை இந்த 4 பேரும் பெறுவார்கள் என்பது குறிப்பிடத்தக்கது.