அமெரிக்‍காவைச் சேர்ந்த Space X நிறுவனம், முதன் முறையாக, வாடிக்கையாளர்களை 4 பேரை, விண்வெளிக்‍கு சுற்றுலாவுக்‍கு அனுப்பி வைத்து சாதனை படைத்துள்ளது.

விண்வெளி சுற்றுலாத் தொழில் உலகளவில் பிரபலமடையத் தொடங்கியுள்ளது. இதன் ஒரு பகுதியாக, அமெரிக்‍காவைச் சேர்ந்த Space X நிறுவனர் Elon Musk-ன் ராக்‍கெட் மூலம், Shift-4 Payments நிறுவனத்தின் தலைவர் Jared Isaacman என்ற கோடீஸ்வரரின் தலைமையிலான 4 பேர் கொண்ட குழுவினர், விண்வெளிக்‍கு பயணம் மேற்கொண்டுள்ளனர். கென்டி விண்வெளி மையத்தில் இருந்து Space X நிறுவனத்தின் Falcon & 9 என்ற ராக்‍கெட் மூலம் Inspiration-4 என்ற விண்கலத்தில் விண்வெளிக்‍கு இவர்கள் பயணம் செய்ய உள்ளனர். பூமியில் இருந்து 575 கிலோமீட்டர் உயரத்துக்கு இவர்கள் பயணம் செய்யும் விண்கலம் நிலை நிறுத்தப்படும். இந்த விண்கலம், மணிக்‍கு 27 ஆயிரத்து 300 கிலோ மீட்டர் வேகத்தில், 90 நிமிடங்களுக்‍கு ஒருமுறை பூமியை முழுமையாக சுற்று வரும். 3 நாட்களின் பயணத்தின் இறுதியில், அமெரிக்கப் பயணிகள் நால்வரும் பெரிய வான்குடைகளில் புளோரிடா கடற்கரையில் தரையிறங்கவுள்ளனர். இதன்மூலம் விண்வெளிக்‍கு சுற்றுலாப் பயணம் மேற்கொண்ட முதல் பொதுமக்‍கள் என்ற சிறப்பை இந்த 4 பேரும் பெற்றுள்ளனர்.