அமெரிக்க நாடாளுமன்றத் தலைவர் வருகைக்கு எதிர்ப்பு - தைவான் நாட்டைச் சுற்றிலும் போர் விமானங்களைப் பறக்கவிட முடிவு
Aug 3 2022 5:02PM
எழுத்தின் அளவு:
அ +
அ -
அ
தைவான் நாட்டுக்கு அமெரிக்க நாடாளுமன்றத் தலைவர் பெலோசியின் வருகையைக் கண்டித்து தைவானைச் சுற்றிலும் பல்வேறு ராணுவ நடவடிக்கைகளை நடத்த சீனா திட்டமிட்டுள்ளது.
அமெரிக்க நாடாளுமன்றத் தலைவர் பெலோசி தைவான் நாட்டுக்கு வந்து, அதிபர் சாய் இங் வென்னைச் சந்தித்துப் பேசிய போது, தைவானுக்கு அமெரிக்கா எப்போதும் ஆதரவளிக்கும் என்ற உறுதிமொழியை அளித்தார். ஆனால், அவர் தைவானுக்கு வந்ததற்கு கடும் எதிர்ப்புத் தெரிவித்துள்ள சீனா, தைவான் நாட்டைச் சுற்றிலும் வானிலும், கடற்பகுதியிலும் போர் விமானங்கள் மற்றும் கப்பல்வளை அனுப்பி அந்நாட்டுக்கு எச்சரிக்கை அளிக்கும் நடவடிக்கைகளைத் தொடங்க முடிவெடுத்துள்ளது. தைவான் ஒரு தனிநாடு என்பதை ஒருபோதும் ஏற்காத சீனா, அது சீனாவின் ஒரு பகுதியே என்று எப்போதும் கூறிவரும் நிலையில், தைவானுடன் தனிப்பட்ட முறையில் உலக நாடுகள் உறவுகள் வைத்திருப்பதற்கு தொடர்ந்து எதிர்ப்புத் தெரிவித்து வருகிறது.