தைவானின் யூஜிங் பகுதியில் சக்திவாய்ந்த நிலநடுக்கம் : ரிக்டர் அளவுகோலில் 7.2 ஆக பதிவு - சுனாமி எச்சரிக்கை
Sep 19 2022 7:01AM
எழுத்தின் அளவு:
அ +
அ -
அ
தைவானின் யூஜிங் பகுதியில் சக்திவாய்ந்த நிலநடுக்கம் ஏற்பட்டது. ரிக்டர் அளவுகோலில் 7 புள்ளி 2 ஆக பதிவான இந்த நிலநடுக்கத்தால் அச்சமடைந்த மக்கள், வீட்டை விட்டு வெளியேறி சாலைகளில் தஞ்சமடைந்தனர்.
தைவான் நிலநடுக்கத்தால் கட்டடங்கள் குலுங்கியதாகவும், சாலைகள், பாலங்கள் பெரிதும் சேதமடைந்துள்ளதாகவும் அந்நாட்டு ஊடகங்கள் தெரிவித்துள்ளன. உயிர்ச்சேதம் பற்றி, உறுதியான தகவல்கள் இதுவரை கிடைக்கவில்லை. நிலநடுக்கத்தின் மையப்பகுதியிலிருந்து, 300 கிலோ மீட்டர் தொலைவில், கடல் பகுதியில் அபாயகரமான சுனாமி அலைகள் எழக்கூடும் என்று அமெரிக்க சுனாமி எச்சரிக்கை மையம் தெரிவித்துள்ளது. நிலநடுக்கத்தைத் தொடர்ந்து, ஜப்பான் நாட்டின் ஒகினாவா மாகாணத்தில் உள்ள கடற்கரை பகுதியில் 1 மீட்டர் உயரத்தில் சுனாமி அலைகள் வரலாம் என, அந்நாட்டு வானிலை மையம் எச்சரிக்கை விடுத்துள்ளது.