ஆஸ்திரேலியாவில் 200-க்கும் அதிகமான திமிங்கலங்கள் இறந்து கரை ஒதுங்கின
Sep 22 2022 3:27PM
எழுத்தின் அளவு:
அ +
அ -
அ
ஆஸ்திரேலியாவில் 200-க்கும் அதிகமான திமிங்கலங்கள் இறந்து கரை ஒதுங்கியிருப்பது சுற்றுச்சூழல் ஆர்வலர்களிடையே வேதனையை ஏற்படுத்தியுள்ளது.
ஆஸ்திரேலியாவின் Tasmania கடற்கரையில் 200-க்கும் அதிகமான Pilot வகை திமிங்கலங்கள் இறந்து கரை ஒதுங்கியுள்ளன. இதையடுத்து, இறந்த திமிங்கலங்களை குழிதோண்டி புதைக்கும் பணிகளில் கடலோர காவல்படையினர் ஈடுபட்டு வருகின்றனர். இதேபோல் கரை ஒதுங்கிய திமிங்கலங்களில் சில திமிங்கலங்கள் உயிருக்கு போராடி வருகின்றன. இதையடுத்து உயிருடன் உள்ள திமிங்கலங்களை படகுகளில் ஏற்றிச்சென்று நடுக்கடலில் விடும் பணியிலும் கடலோர காவல் படையினர் ஈடுபட்டு வருகின்றனர். இதுவரை இல்லாத அளவில் ஒரேநேரத்தில் நூற்றுக்கணக்கான திமிங்கலங்கள் இறந்து கரை ஒதுங்கியிருப்பது சுற்றுச்சூழல் ஆர்வலர்களிடையே சோகத்தையும், அதிர்ச்சியையும் ஏற்படுத்தியுள்ளது.