மியான்மரில் அதிகாலையில் ஏற்பட்ட நிலநடுக்கம் - ரிக்டர் அளவில் 5 புள்ளி 2 ஆக பதிவு - வீடுகள் குலுங்கியதால் பொதுமக்கள் அச்சம்
Sep 30 2022 11:53AM
எழுத்தின் அளவு:
அ +
அ -
அ
மியான்மரில் 5 புள்ளி 2 ஆக ரிக்டர் அளவில் நிலநடுக்கம் ஏற்பட்டுள்ளது. இதையடுத்து வடகிழக்கு மாநிலங்களில் நில அதிர்வு உணரப்பட்டது.
மியான்மரில் இன்று அதிகாலை சுமார் 4 மணி அளவில் கடுமையான நிலநடுக்கம் ஏற்பட்டது. இந்த நிலநடுக்கம் 5 புள்ளி இரண்டு ஆக ரிக்டர் அளவில் பதிவானது. மியான்மரின் வடமேற்கே 162 கிலோமீட்டர் தொலைவில் இந்த நிலநடுக்கம் ஏற்பட்டது என்று தேசிய புவியியல் மையம் தெரிவித்துள்ளது. இதன் காரணமாக அப்பகுதியில் உள்ள வீடுகள் மற்றும் கட்டிடங்கள் குலுங்கின. இதனால் அதிர்ச்சி அடைந்த மக்கள் வீடுகளை விட்டு வெளியேறினர். நிலநடுக்கத்தால் ஏற்பட்ட சேத விபரங்கள் குறித்த தகவல்கள் ஏதும் வெளியாகவில்லை. இதனிடையே வட கிழக்கு மாநிலங்களிலும் இன்று அதிகாலை நில அதிர்வு ஏற்பட்டது.