புவி வெப்பமயமாவதைத் தடுக்‍கும் வகையில் மரபுசாரா மாட்டுத் தீவன ஆராய்ச்சி மற்றும் மேம்பாட்டுத் திட்டத்தில் ஆஸ்திரேலிய ஸ்டார்ட் அப் நிறுவனம் முதலீடு செய்திருப்பதற்கு மைக்‍ரோசாஃப்ட் உரிமையாளர் பில்கேட்ஸ் ஆதரவு ​தெரிவித்துள்ளார். ஆஸ்திரேலியா, அமெரிக்‍கா உள்ளிட்ட நாடுகளில் இறைச்சிக்‍காக ஏராளமான மாடுகள் வளர்க்‍கப்படுகின்றன. ஒவ்வொரு மாட்டுப் பண்ணையிலும் ஆயிரக்‍கணக்‍கான மாடுகள் வளர்க்‍கப்படுகின்றன. இந்த மாடுகள் உண்ணும் புற்கள் மற்றும் தீவனங்களை ஜீரணம் செய்யும் போது, அவற்றின் வயிற்றில் உற்பத்தியாகும் மீத்தேன் வாயு​ காற்று மண்டலத்தில் கலந்து, கார்பனுக்‍கு அடுத்தபடியாக சூழலியல் மாற்றத்தை ஏற்படுத்​துகிறது. இதே போல் ஆடுகள் மற்றும் மான்களும் ஏராளமான மீத்தேன் வாயுவை வெளியேற்றுகின்றன. இந்நிலையில் கடலுக்‍கள் உள்ள பாசிகள் போன்ற களைகளை மாட்டுத் தீவனமாக மாற்றும் ஆராய்ச்சி மற்றும் அபிவிருத்தி​த் திட்டத்தில் ஆஸ்திரேலிய ஸ்டார்ட் அப் நிறுவனம் ஒன்று முதலீடு செய்துள்ளது.