பாகிஸ்தானில் மசூதியில் நடந்த வெடிகுண்டு தாக்குதலில் 28 பேர் பரிதாபமாக உயிரிழப்பு - படுகாயமடைந்த 150 பேருக்கு உயர் முன்னுரிமையுடன் சிகிச்சை
Jan 30 2023 5:16PM
எழுத்தின் அளவு:
அ +
அ -
அ
பாகிஸ்தான் நாட்டின் பெஷாவர் நகரில் நடந்த வெடிகுண்டு தாக்குதலில் 28 பேர் உயிரிழந்ததாகவும், 150க்கும் மேற்பட்டவர்கள் படுகாயமடைந்ததாகவும் தகவல்கள் வெளியாகியுள்ளன. பெஷாவர் நகரில் இருக்கும் காவல் துறை குடியிருப்புக்கு அருகில் உள்ள மசூதியில் இந்த குண்டு வெடிப்பு நடந்துள்ளது. இந்த குண்டு வெடிப்பில் 28 பேர் உயிரிழந்ததை உறுதிப்படுத்தியுள்ள பெஷாவர் நகர காவல் ஆணையாளர் Riaz Mehsood, உடனடியாக மீட்புப் பணிகள் தொடங்கப்பட்டதாகத் தெரிவித்தார். மேலும், பெஷாவர் நகரில் உள்ள அனைத்து மருத்துவமனைகளிலும் அவசர நிலை பிரகடனப்படுத்தப்பட்டு, குண்டு வெடிப்பில் காயமடைந்தவர்களுக்கு உயர் முன்னுரிமையுடன் சிகிச்சை அளித்து வருவதாக பெஷாவர் போலீசார் தெரிவித்துள்ளனர்.