2024-ம் ஆண்டு முதல் இணைய செயற்கைக்கோளை ஏவும் அமேசான் நிறுவனம் - அடுத்த சில ஆண்டுகளில் 3,000 செயற்கைக்கோள்களை ஏவத் திட்டம்
Mar 16 2023 10:09AM
எழுத்தின் அளவு:
அ +
அ -
அ
அமேசான் நிறுவனம் தனது முதல் இணைய செயற்கைக்கோள்களை 2024-ம் ஆண்டின் முதல் பாதியில் விண்வெளிக்கு அனுப்ப திட்டமிட்டுள்ளது.
உலகளவில் பிராட்பேண்ட் இணையத்தை வழங்க எலோன் மஸ்க்கின் ஸ்பேஸ் எக்ஸ் மற்றும் பிறருடன் போட்டியிட அமேசான் நடவடிக்கை எடுத்து வருகிறது. இது தொடர்பாக வாஷிங்டனில் பேசிய அமேசான் மூத்த துணைத் தலைவர் டேவ் லிம்ப், அமேசானின் செயற்கைக்கோள் இணையப் பிரிவான ப்ராஜெக்ட் கைபர், இந்த ஆண்டின் இறுதியில் செயற்கைக்கோள்களை பெருமளவில் தயாரிக்கத் தொடங்கும் என்றார். அடுத்த சில ஆண்டுகளில் குறைந்த புவி சுற்றுப்பாதையில் 3 ஆயிரம் செயற்கைகோள்களை ஏவ முடிவு செய்யப்பட்டுள்ளதாகவும் கூறியுள்ளார்.