2 ஆண்டுக்கு பின் இந்தியாவுக்கான அமெரிக்க தூதர் பதவியேற்பு : லாஸ் ஏஞ்சல்ஸின் முன்னாள் மேயர் எரிக் கார்செட்டி பதவியேற்றார்
Mar 25 2023 1:03PM
எழுத்தின் அளவு:
அ +
அ -
அ
இந்தியாவுக்கான அமெரிக்க தூதராக, லாஸ் ஏஞ்சல்ஸின் முன்னாள் மேயர் எரிக் கார்செட்டி பதவியேற்றார். அமெரிக்க அதிபர் தேர்தலில் ஜனநாயக கட்சியின் ஜோ பைடன் அதிபராக பொறுப்பேற்றதை அடுத்து இந்தியாவுக்கான அமெரிக்க தூதராக இருந்த கென்னத் ஜஸ்டர் பதவி விலகினார். கடந்த ஜனவரி 2021 முதல் அமெரிக்க தூதர் பதவி காலியாக இருந்தது. இதையடுத்து அதிபர் ஜோ பைடனின் பரிந்துரையின் பேரில் எரிக் கார்செட்டியை தூதராக நியமிக்க அமெரிக்க செனட் சபை முடிவு செய்தது. இதையடுத்து துணை ஜனாதிபதி கமலா ஹாரிஸ் தலைமையில் நடைபெற்ற பதவியேற்பு விழாவில், எரிக் கார்செட்டியின் குடும்ப உறுப்பினர்கள் மற்றும் முக்கிய நபர்கள் கலந்துகொண்டனர்.