உலகிலேயே மிக நீளமான மூக்கை கொண்ட துருக்கி மனிதர் காலமானார்
May 25 2023 1:08PM
எழுத்தின் அளவு:
அ +
அ -
அ
உலகிலேயே மிக நீளமான மூக்கை கொண்ட துருக்கி மனிதர், தனது 75-வது வயதில் மாரடைப்பால் காலமானார். துருக்கியை சேர்ந்த மெஹ்மெத் ஓசியுரெக் என்பவர், 8.8 சென்டி மீட்டர் நீளமுடைய மூக்கை கொண்டு, உலகில் உள்ள மனிதர்களிலேயே மிக நீளமான மூக்கு கொண்டவர் என்ற சாதனையை படைத்திருந்தார். கடந்த வாரம் அறுவை சிகிச்சைக்கு உட்படுத்தப்பட இருந்த நிலையில், அவருக்கு மாரடைப்பு ஏற்பட்டதாக தகவல் வெளியானது. இந்நிலையில், மெஹ்மெத் ஓசியுரெக் உயிரிழந்துவிட்டதாக குடும்பத்தினர் தெரிவித்துள்ளனர். அவரது சொந்த ஊரான ஆர்ட்வினில் அவரது இறுதிச் சடங்குகள் நடைபெற்றன. மெஹ்மெத் ஓசியுரெக்கு இதுவரை அன்பும் ஆதரவும் கொடுத்த ஆர்ட்வின் நகர மக்களுக்கு அவருடைய மகன் நன்றி தெரிவித்துள்ளார்.