அமெரிக்காவின் விஸ்கான்சினில் 37 குழந்தைகளை தீ விபத்தில் இருந்து காப்பாற்றிய 8 மாத கர்ப்பிணி பேருந்து ஓட்டுநர் - துணிச்சலுடன் தீயிலிருந்து காப்பாற்றிய பெண்ணிற்கு குவியும் பாராட்டு
Jun 5 2023 1:06PM
எழுத்தின் அளவு:
அ +
அ -
அ
அமெரிக்காவின் விஸ்கான்சினில் 37 பள்ளிக் குழந்தைகளை தீ விபத்தில் இருந்து காப்பாற்றிய 8 மாத கர்ப்பிணி பேருந்து ஓட்டுநருக்கு பாராட்டுகள் குவிந்து வருகிறது.
இம்யூனெக் வில்லியம்ஸ் என்ற அந்த பெண் ஓட்டுநர் 37 குழந்தைகளுடன் பள்ளிப் பேருந்தை ஓட்டிச் சென்றுள்ளார். அப்போது பேருந்துக்குள் புகை வாசனை வந்ததால் சுதாரித்துக் கொண்ட அவர், பேருந்தை நிறுத்தி விட்டு 37 குழந்தைகளையும் கீழே இறங்கச் செய்தார். அடுத்த சில வினாடிகளில் பேருந்து தீப்பிடித்து எரியத் தொடங்கியது. தகவல் அறிந்து வந்த தீயணைப்பு படையினர் தீயை அணைத்தனர். தாய்மையின் உள்ளுணர்வால் நடக்கப் போவதை உணர்ந்து குழந்தைகளின் உயிரைக் காத்த பெண் ஓட்டுநரை பலரும் பாராட்டி வருகின்றனர்.