6 நாள் ரஷ்ய பயணத்தை நிறைவு செய்தார் அதிபர் கிம் ஜாங் உன் : ரஷ்யாவிலிருந்து கவச ரயில் மூலம் நேற்று வடகொரியா திரும்பினார்
Sep 18 2023 2:06PM
எழுத்தின் அளவு:
அ +
அ -
அ
6 நாள் ரஷ்ய சுற்றுப்பயணத்தை முடித்துக் கொண்டு வடகொரிய அதிபர் கிம் ஜாங் உன் நேற்று நாடு திரும்பினார்.
கடந்த வாரம் பியாங்யாங்கில் இருந்து கவச ரயில் மூலம் ரஷ்யா சென்ற அவர் அதிபர் விளாதிமிர் புதினைச் சந்தித்துப் பேசினார். ரஷ்ய விண்வெளி நிலையம், ராணுவ தளங்கள், போர் விமானங்கள் ஆகியவற்றை பார்வையிட்டார். ரஷ்ய பாதுகாப்புத்துறை அமைச்சர் செர்ஜி ஷோய்கு மற்றும் ராணுவ உயர் அதிகாரிகளையும் சந்தித்துப் பேச்சுவார்த்தை நடத்தினார். அதனைத் தொடர்ந்து தனது பயணத்தை முடித்துக் கொண்ட அவர் நேற்று கவச ரயில் மூலம் வடகொரியா திரும்பினார். உக்ரைன் போருக்காக ரஷ்யாவுக்கு வடகொரியா ஆயுதங்கள் வழங்கக் கூடாது என அமெரிக்கா எச்சரித்த நிலையில், கிம் ஜாங் உன் ரஷ்யா சென்றது குறிப்பிடத்தக்கது.