சீன அதிபர் ஜி ஜின்பிங் ஒரு சர்வாதிகாரி : அமெரிக்க அதிபர் ஜோ பைடன் மீண்டும் விமர்சனம்
Nov 16 2023 4:22PM
எழுத்தின் அளவு:
அ +
அ -
அ
சீன அதிபர் ஜி ஜின்பிங் ஒரு சர்வாதிகாரி என்று அமெரிக்க அதிபர் ஜோ பைடன் விமர்சித்துள்ளார். அமெரிக்காவின் சான்பிரான்சிஸ்கோவில் நடைபெற்ற ஆசிய பசிபிக் பொருளாதார ஒத்துழைப்பு அமைப்பின் உச்சி மாநாட்டிற்கு பிறகு சீன அதிபர் ஜி ஜின்பிங்கும், அமெரிக்க அதிபர் பைடனும் சந்தித்து பேசினர். இந்த சந்திப்பிற்கு பிறகு அமெரிக்க அதிபர் ஜோ பைடன் செய்தியாளர்களை சந்தித்தார். அப்போது செய்தியாளர்கள் எழுப்பிய கேள்வி ஒன்றுக்கு பதிலளித்த ஜோபைடன், சீன அதிபர் 'ஜி ஜின்பிங், கம்யூனிச நாட்டை வழிநடத்தும் ஒரு சர்வாதிகாரி' என்று தெரிவித்தார். சீன அரசாங்கம் பிற நாடுகளுடன் ஒப்பிடும் போது முற்றிலும் மாறுபட்டது என்றும் ஜோ பைடன் தெரிவித்தார். கடந்த சில மாதங்களுக்கு முன்பு சீன அதிபரை சர்வாதிகாரி என்று விமர்சித்த அமெரிக்க அதிபர் ஜோபைடன் தனது நிலைப்பாட்டை மாற்றாமல் விமர்சித்துள்ளார்.