இங்கிலாந்து - சீனா இடையே உள்ள ரயில் தடம், உலகின் இரண்டாவது மிக நீளமான ரயில் தடமாக அறியப்படுகிறது. இந்த வழித்தடத்தில், சீனாவைச் சேர்ந்த 'ஈஸ்ட் விண்ட்' என்ற சரக்கு ரயில், பால், மருத்துவ பொருட்களுடன் கடந்த 10-ம் தேதி இங்கிலாந்தின் லண்டனில் இருந்து புறப்பட்டது.

இந்த சரக்கு ரயில் தன்னுடைய பயணத்தில், பிரான்ஸ், பெல்ஜியம், ஜெர்மனி, போலந்து, பெலாரஸ், ரஷ்யா, கஜகஸ்தான் உள்ளிட்ட நாடுகளை, 20 நாட்களில் கடந்து, நேற்று சீனாவின் இவூ நகருக்கு வெற்றிகரமாக சென்றடைந்தது.

விமான போக்குவரத்தை காட்டிலும் மிக குறைந்த செலவே எடுத்துக் கொள்வதால் சீனா இத்தகைய போக்குவரத்தில் கூடுதல் கவனம் செலுத்தி வருகின்றது. மேலும், கப்பலில் சரக்குகளை எடுத்துச் செல்வதால் பயண காலம் அதிகமாக எடுத்துக் கொள்வதாலும் சீனா ரயில் போக்குவரத்தில் ஆர்வம் காட்டுகிறது. கப்பலைக் காட்டிலும் 30 நாட்கள் முன்னதாகவே இந்த ரயில் தனது இடத்தை வந்தடைந்தது.

இந்நிலையில் உலகின் மிக நீண்ட தூர ரயில் சேவையாக, சீனா ஏற்கெனவே ஜெர்மனியின் மேட்ரிட் நகருக்கு, இதுபோன்ற சரக்கு ரயிலை இயக்கி வருவது குறிப்பிடத்தக்கது.