சவுதி இளவரசர் பதவியில் இருந்து Mohammed bin Nayef நீக்கப்பட்டதையடுத்து, Mohammed bin Salman புதிய இளவரசராக நியமிக்கப்பட்டுள்ளார்.

சவுதி இளவரசர் பதவியில் இருந்து Mohammed bin Nayef நீக்கப்பட்டதையடுத்து, புதிய இளவரசரை தேர்ந்தெடுக்க, அந்நாட்டு மன்னர் சல்மான் பின் அப்துலாஸிஸ் அல் சவுத் தலைமையிலான குழு ஆலோசனை நடத்தியது. இந்தக் கூட்டத்தில் மொத்தமுள்ள 43 உறுப்பினர்களில் 31 பேர் மன்னரின் மகனும், துணை இளவரசருமான Mohammed bin Salman-க்கு ஆதரவாக வாக்களித்தனர். இதனையடுத்து, Mohammed bin Salman சவுதியின் புதிய இளவரசராக நியமிக்கப்பட்டார். 31 வயதான Mohammed bin Salman சவுதியின் துணை பிரதமராகவும் நியமிக்கப்பட்டுள்ளார். அத்துடன், ஏற்கனவே தான் வகித்து வந்த பாதுகாப்பு துறை அமைச்சர் பதவியையும் அவர் தக்க வைத்துள்ளார். இந்நிலையில், சவுதியின் எதிர்கால திட்டங்களுக்கும், ஏமனில் தீவிரவாதிகளுக்கு எதிராக நடைபெற்று வரும் போருக்கும், Mohammed bin Salman பொறுப்பேற்பார் என்று அறிவிக்கப்பட்டுள்ளது.