பசிபிக் பெருங்கடலில் அமைந்துள்ள டோங்கா தீவின் மேற்கு பகுதியில் நிலநடுக்கம் : ரிக்டர் அளவுகோலில் 6.4 ஆக பதிவு
Aug 19 2017 11:45AM
எழுத்தின் அளவு:
அ +
அ -
அ
பசிபிக் பெருங்கடலில் அமைந்துள்ள டோங்கா தீவின் மேற்கு பகுதியில் இன்று திடீரென நிலநடுக்கம் ஏற்பட்டது. இது ரிக்டர் அளவுகோலில் 6 புள்ளி 4 ஆக பதிவானது.
பசிபிக் பெருங்கடலில் அமைந்துள்ள டோங்கா தீவில், இன்று அதிகாலை மிதமான நிலநடுக்கம் ஏற்பட்டது. நிலநடுக்கத்தால் பூமி குலுங்கியது. இதனால் பீதியடைந்த பொதுமக்கள் வீடுகளில் இருந்து வெளியேறி சாலைகளில் தஞ்சம் அடைந்தனர்.
இது குறித்து அமெரிக்க வானிலை ஆராய்ச்சி மைய அதிகாரிகள் கூறுகையில், இந்த நிலநடுக்கம் ரிக்டர் அளவில் 6 புள்ளி 4 ஆக பதிவாகியுள்ளது. நிலநடுக்கத்தால் ஏற்பட்ட பாதிப்புகள் குறித்த விவரங்கள் வெளியாகவில்லை. சுனாமி எச்சரிக்கையும் விடப்படவில்லை என தெரிவிக்கப்பட்டுள்ளது.