2017ம் ஆண்டு பொருளாதாரத்திற்கான நோபல் பரிசு அமெரிக்காவின் ரிச்சர்ட் எச்.தாலருக்கு அறிவிக்கப்பட்டு உள்ளது.

கடந்த 1901-ம் ஆண்டில் இருந்து ஆண்டுதோறும் நோபல் பரிசு வழங்கப்பட்டு வருகிறது. ஸ்வீடன் நாட்டை சேர்ந்த ஆல்பிரட் நோபல் என்ற தொழில் அதிபரின் நினைவாக இந்த பரிசு வழங்கப்படுகிறது. வேதியியல், இயற்பியல் அல்லது மருத்துவம், இலக்கியம், அமைதி, பொருளாதாரம் ஆகிய துறைகளில் மனித இனத்திற்கு பயன்படும் வகையில் பணியாற்றியோருக்காக இந்த பரிசு வழங்கப்படுவது வழக்கம். இதுவரை மருத்துவம், வேதியியல், இலக்கியம், அமைதிக்கான நோபல் பரிசுகளுக்கான பெயர் பட்டியல் அறிவிக்கப்பட்டு உள்ளது.

அந்தவகையில், இந்த ஆண்டுக்கான பொருளாதாரத்திற்கான நோபல் பரிசு இன்று ஸ்வீடனில் உள்ள ஸ்டாக் கோமில் அறிவிக்கப்பட்டது.

பொருளாதாரத்திற்கான நோபல் பரிசு அமெரிக்காவை சேர்ந்த ரிச்சர்ட் எச்.தாலருக்கு அறிவிக்கப்பட்டது. ரிச்சர்ட் எச்.தாலர், சிகாகோ பல்கலைக் கழகத்தில் நடத்தை அறிவியல் மற்றும் பொருளாதாரத் துறையில் பேராசிரியராக பணியாற்றி வருகிறார் உள்ளார்.