சோமாலியா தலைநகர் மொகாதிஷுவில் இருவேறு பகுதிகளில் நடைபெற்ற கார் வெடிகுண்டு தாக்குதலில் 22 பேர் கொல்லப்பட்டனர். அரசு அலுவலகங்கள், உணவு விடுதி மற்றும் ஏராளமான வாகனங்கள் இதில் சேதமடைந்தன.

சோமாலியா நாட்டில் அல்கொய்தா ஆதரவு பெற்ற அல் ஷபாப் உள்நாட்டு தீவிரவாத குழுக்கள் ஏராளமாக இயங்கி வருகின்றன. அவர்கள் அவ்வப்போது வெளிநாட்டினர் வந்து செல்லும் உணவகங்களை குறிவைத்து தொடர்ந்து தாக்குதல் நடத்தி வருகின்றனர்.

இந்நிலையில், சோமாலியா நாட்டின் தலைநகர் மொகடிஷு நகரின் அருகே ஹோடான் மாவட்டத்தில் உள்ள ஒரு ஓட்டலை குறிவைத்து இன்று தீவிரவாதிகள் நடத்திய கார் குண்டு தாக்குதலில் 20 பேர் உயிரிழந்தனர். ஏராளமானோர் படுகாயம் அடைந்தனர். 2 மணி நேரம் கழித்து Madina மாவட்டத்தில் மற்றொரு கார்குண்டுத் தாக்குதல் நடத்தப்பட்டது. இதில் 2 பேர் உயரிழந்தனர்.

காயமடைந்து சிகிச்சை பெற்று வருபவர்களில் பலரது நிலைமை கவலக்கிடமாக உள்ளதால் பலி எண்ணிக்கை மேலும் அதிகரிக்கக்கூடும் என அஞ்சப்படுகிறது.