அமெரிக்க அதிபர் டிரம்புடன் நடத்திய பேச்சு வார்த்தையைத் தொடாந்து ரஷ்யா செல்கிறார் வடகொரியத் தலைவர் - அதிபர் புடினை சந்தித்து முக்கியப் பேச்சுவார்த்தை
Jun 15 2018 12:13PM
எழுத்தின் அளவு:
அ +
அ -
அ
ரஷ்ய அதிபர் விளாடிமர் புடின் அழைப்பின் பேரில் வடகொரியத் தலைவர் கிம் ஜாங்-உன் வரும் செப்டம்பர் மாதம் ரஷ்யாவிற்கு பயணமாகிறார்.
கொரிய தீபகற்பத்தில் அவ்வப்போது ஏற்படும் போர் பதற்றத்தை தணிக்கவும், வடகொரியாவின் அணுஆயுத குவிப்பை கட்டுப்படுத்தவும் அமெரிக்கா நடவடிக்கை மேற்கொண்டது. இதற்கு வடகொரியாவும் சம்மதம் தெரிவித்ததால், அந்நாட்டுத் தலைவர் கிம் ஜாங்-உன்னும், அமெரிக்க அதிபர் டொனால்ட் டிரம்பும் கடந்த வாரம் சிங்கப்பூரில் சந்தித்து வரலாற்றுச் சிறப்புமிக்க பேச்சு வார்த்தையை நடத்தினர். அணு ஆயுதங்களை ஒழிக்க அப்போது இருதரப்பிலும் உறுதியளிக்கப்பட்டது. இதன் அடுத்தக்கட்டமாக ரஷ்ய அதிபர் விளாடிமர் புடினின் அழைப்பிற்கு இணங்க, கிம் ஜாங்-உன் அந்நாட்டிற்குச் செல்ல முடிவு செய்துள்ளார். வரும் செப்டம்பர் மாதம் கிம் ஜாங்-உன்னும், விளாடிமர் புடினும் சந்தித்துப் பேச திட்டமிட்டுள்ளனர். இந்தச் சந்திப்பின்போது, அமெரிக்க அதிபருடன் நடத்திய பேச்சுவார்த்தைக் குறித்து கிம் ஜாங்-உன், புடினிடம் விவாதிக்க இருப்பதாக வடகொரிய செய்தி நிறுவனங்கள் தெரிவிக்கின்றன.