அமெரிக்காவில் விளைநிலத்தை டிராக்டர் மூலம் உழும் சர்வதேச போட்டியில், ஏராளமானோர் ஆர்வமுடன் கலந்துகொண்டு திறமையை வெளிப்படுத்தினர்.

அமெரிக்‍காவின் Arkansas மாகாணத்தில் மிசிசிபி ஆற்றங்கரைப் பகுதிகளில், கடந்த 1990-ஆம் ஆண்டு முதல், வேடிக்‍கையாக நடத்தப்பட்ட இந்த போட்டி, பின்னாளில் பிரபலமடைந்தது. அப்பகுதி விவசாயிகள் ஒன்று சேர்ந்து ஒவ்வொரு ஆண்டும் நடத்தி வரும் இந்த வேளாண் திருவிழாவில், டிராக்டரால் உழும் போட்டி தவறாமல் இடம்பெறுவது வழக்‍கம். அதன்படி, இந்த ஆண்டுக்‍கான வேளாண் திருவிழாவில், நிலத்தை உழும் Rotary Tiller Racing சாம்பியன்ஷிப் போட்டி நடத்தப்பட்டது. 200 மீட்டர் நீளத்தை மிக குறுகிய நேரத்தில் டிராக்டரால் வேகமாக உழ வேண்டும் என்பது போட்டியின் விதியாக அறிவிக்‍கப்பட்டது. அதன்படி, களமிறங்கிய போட்டியாளர்கள், டிராக்‍டர்களை வேகமாக செலுத்தி புழுதிபறக்க நிலத்தை உழுதனர்.

இப்போட்டியில், CODY FULLER என்பவர் அதிவேகமாக நிலத்தை உழுது முதலிடம் பிடித்தார். வெற்றிபெற்ற அவருக்‍கு ரொக்‍கப் பரிசு வழங்கப்பட்டது.