கிகி சவாலை தொடர்ந்து இளைஞர்களை குறிவைக்கும் மேரி பாப்பின்ஸ் : உயரமான இடத்திலிருந்து குதித்து பலர் படுகாயம்
Aug 30 2018 1:16PM
எழுத்தின் அளவு:
அ +
அ -
அ
சமூக வலைதளங்களில் வேகமாக பரவிய கிகி சவாலின் தொடர்ச்சியாக, தற்போது மிகவும் ஆபத்து நிறைந்த மேரி பாப்பின்ஸ் என்ற சவால் இளைஞர்கள் மத்தியில் பிரபலமாகியுள்ளது.
கடந்த சில மாதங்களாக சமூக வலைதளங்களில் 'கிகி' என்ற சவால், வேகமாக பரவி வந்தது. தற்போது 'மேரி பாப்பின்ஸ்' என்ற சவால் சமூக வலைதளங்களில் வைரலாகி வருகிறது. கையில் குடையுடன் ஏதேனும் உயரமான இடத்திலிருந்து குதிக்க வேண்டும். இதுதான் மேரி பாப்பின்ஸ் சவால். இந்த சவாலை ஏற்று பல இளைஞர்கள் தற்போது குடையுடன் பாலம், வீட்டின் மாடி, மரம் போன்ற இடங்களில் இருந்து குதித்து வருகின்றனர். இதுதொடர்பான வீடியோக்கள் சமூக வலைதளங்களில் அதிக அளவில் பகிரப்பட்டு வருகிறது. இதனால் பலர் படுகாயமடைந்து சிகிச்சை பெற்று வருகின்றனர்.