இலங்கை பிரதமர் பதவி குறித்து, உச்சநீதிமன்றம் எந்த தீர்ப்பு அளித்தாலும், அதனை மதிப்பளித்து ஏற்றுக்கொள்வோம் என அதிபர் சிறிசேன தெரிவித்துள்ளார்.

ரணில் விக்‍ரமசிங்கேவை பதவி நீக்‍கம் செய்துவிட்டு, ராஜபக்‍சேவை பிரதமராக நியமித்த இலங்கை அதிபர் சிறிசேன, தனது முடிவுக்‍கு பெரும்பான்மை ஆதரவு இல்லாத காரணத்தால் நாடாளுமன்றத்தையும் கலைத்தார். ஆனால், சிறிசேனவின் உத்தரவிற்கு, தடை விதித்த அந்நாட்டு உச்சநீதிமன்றம், ராஜபக்சே பிரதமராக செயல்படவும் தடை விதத்தது. இதை எதிர்த்து ராஜபக்‍சே மேல் முறையீடு செய்துள்ளார். பிரதமர் பதவிக்‍காக, ரணில் விக்‍ரமசிங்கேவும், ராஜ பக்‍சேவும், அந்நாட்டு உச்சநீதிமன்றத்தை நாடியுள்ள நிலையில், நீதிமன்ற தீர்ப்பு எதுவாக இருந்தாலும், அதற்கு மதிப்பு அளித்து ஏற்றுக்கொள்வோம் என அதிபர் சிறிசேன கூறியுள்ளார். வெகுவிரைவில், இலங்கை அரசியலில் நிலவி வரும் குழப்பம் தீரும் என்றும், புதிய பிரதமர் அமைச்சரவையுடன் இணைந்து பணியாற்றுவேன் என்றும் அவர் தெரிவித்துள்ளார்.