நடப்பாண்டில் இந்தியாவின் பொருளாதார வளர்ச்சி, எதிர்பார்த்ததைவிட குறைவாக இருக்கும் - சர்வதேச நாணய நிதியமான ஐ.எம்.எஃப். கணிப்பு
Oct 16 2019 1:17PM
எழுத்தின் அளவு:
அ +
அ -
அ
நடப்பாண்டில் இந்தியாவின் பொருளாதார வளர்ச்சி, ஏற்கெனவே கணிக்கப்பட்டதைவிட குறைவாக இருக்கும் என ஐ.எம்.எப்., எனப்படும், சர்வதேச நாணய நிதியம் கணித்துள்ளது.
கடந்த ஏப்ரல் மாதத்தில், பொருளாதார வளர்ச்சி, 7 புள்ளி 3 சதவீதமாக இருக்கும் என்று கணிக்கப்பட்ட நிலையில், தற்போது வளர்ச்சியை, 1 புள்ளி 2 சதவீதம் குறைத்து, 6 புள்ளி 1 சதவீதமாக இருக்கும் என்று, சர்வதேச நாணய நிதியம் மதிப்பிட்டுள்ளது.
வட்டி குறைப்பு, கார்ப்பரேட் வரி குறைப்பு, கிராமப்புற நுகர்வுக்கு ஆதரவளிக்கும் அரசு திட்டங்கள் போன்றவற்றால் வளர்ச்சி ஏற்படுவதற்கான வாய்ப்புகள் உள்ளன என்றும், நாட்டின் பொருளாதார வளர்ச்சி, அடுத்த ஆண்டில் ஏற்றம் பெற்று, 7 சதவீதமாக இருக்கும் என்றும் சர்வதேச நாணய நிதியம் ஏற்கெனவே தெரிவித்திருந்தது.
சீனாவை பொறுத்தவரை, 2018-ம் ஆண்டில், அந்நாட்டின் மொத்த உள்நாட்டு உற்பத்தி வளர்ச்சி, 6 புள்ளி 6 சதவீதமாக இருந்த நிலையில், நடப்பாண்டில், 6 புள்ளி 1 சதவீதமாக இருக்கும் என்றும், அடுத்த ஆண்டில், 5 புள்ளி 8 சதவீதமாக மேலும் குறையும் என்றும் சர்வதேச நாணய நிதியம் கணித்துள்ளது.