ஈரானில் பிரம்மாண்டமான புதிய எண்ணெய் வயல் கண்டுபிடிப்பு : அதிபர் ஹசன் ரூஹானி அறிவிப்பு
Nov 11 2019 11:08AM
எழுத்தின் அளவு:
அ +
அ -
அ
ஈரான் நாட்டில், 5 ஆயிரம் கோடி பேரல்கள் அளவுக்கு வளம் கொண்ட, புதிய எண்ணெய் வயல் கண்டுபிடிக்கப்பட்டுள்ளதாக, அந்நாட்டு அதிபர் ஹசன் ரூஹானி தெரிவித்துள்ளார்.
அமெரிக்காவின் பொருளாதார தடைகளால், ஈரானின் கச்சா எண்ணெய் ஏற்றுமதி கடுமையாக பாதிக்கப்பட்டுள்ளது. உலகளவில் கச்சா எண்ணெய் உற்பத்தியில், முன்னணியில் உள்ள ஈரானுக்கு ஏற்பட்டிருக்கும் சரிவால், சவுதி அரேபியாவுக்கு கிராக்கி கூடியுள்ளது.
இந்நிலையில், ஈரானின் தென்மேற்கு பகுதியில் உள்ள குசேஸ்தான் மாகாணத்தில், 2 ஆயிரத்து 400 சதுர கிலோ மீட்டர் பரப்பளவில், சுமார் 5 ஆயிரத்து 300 கோடி பீப்பாய் கச்சா எண்ணையுடன், புதிய எண்ணெய் வயல் கண்டுபிடிக்கப்பட்டுள்ளதாக, அந்நாட்டின் அதிபர் ஹசன் ரூஹானி தெரிவித்துள்ளார். 80 மீட்டர் ஆழத்தில் கச்சா எண்ணெய் சுரக்கும் இந்த பெட்ரோல் வயல் தொடர்பான கண்டுபிடிப்பை ஈரான் மக்களுக்கு அரசு அளிக்கும் பரிசு எனவும், அவர் குறிப்பிட்டுள்ளார்.