குளிர்சாதனப் பெட்டியில் வைத்தால் ஓராண்டு வரை கெடாமல் இருக்கும் ஆப்பிள் அமெரிக்காவில் விற்பனை
Dec 3 2019 9:56AM
எழுத்தின் அளவு:
அ +
அ -
அ
குளிர்சாதன பெட்டியில் வைத்தால் ஓராண்டு வரை கெடாமல் இருக்கும் புதிய வகை ஆப்பிள் அமெரிக்காவில் விற்பனைக்கு வந்துள்ளது.
அமெரிக்காவில் வாழைப்பழங்களை அடுத்து அதிகம் விற்பனையாகும் 2-வது பழமாக ஆப்பிள் இருக்கிறது. இதனால் அந்நாட்டு ஆராய்ச்சியாளர்கள் புதிய வகையிலான ஆப்பிள்களை கண்டறிவதில் ஆர்வம் காட்டி வருகின்றனர். அந்த வகையில் குளிர்சாதன பெட்டியில் வைத்தால் சுமார் ஒரு வருடத்துக்கு கெடாமல் இருக்கும் புதிய வகை ஆப்பிள் அமெரிக்காவில் விற்பனைக்கு வந்துள்ளது. இந்த வகை ஆப்பிளை கண்டறிவதற்கு சுமார் 20 வருடங்கள் ஆனதாக ஆராய்ச்சியாளர்கள் தெரிவித்தனர். Cosmic Crisp என்று அழைக்கப்படும் இந்த வகை ஆப்பிளை கண்டறிந்து வணிக ரீதியாக வெளியிட இந்திய மதிப்பில் சுமார் 72 கோடி ரூபாய் செலவிடப்பட்டுள்ளது. வாஷிங்டன் மாகாணத்தில் உள்ள விவசாயிகள் அடுத்த பத்தாண்டுகளுக்கு இந்த ஆப்பிளை விளைவிப்பதற்கு பிரத்யேக அனுமதி வழங்கப்பட்டுள்ளது.