அமெரிக்க அதிபா் டிரம்ப்பை பதவி நீக்கம் செய்வதற்கான வரைவு தீர்மானம் : தனிப்பட்ட முறையில் டிரம்ப் மீது அதிருப்தில்லை என நான்சி பெலோசி கருத்து
Dec 7 2019 5:02PM
எழுத்தின் அளவு:
அ +
அ -
அ
அமெரிக்க அதிபா் டொனால்ட் டிரம்ப்பை பதவி நீக்கம் செய்வதற்கான நடவடிக்கைகளை மேற்கொண்டாலும், தனிப்பட்ட முறையில் அவா் மீது தனக்கு அதிருப்தி இல்லை என அமெரிக்க நாடாளுமன்ற கீழவையான பிரதிநிதிகள் சபையின் தலைவரும், ஜனநாயகக் கட்சியின் மூத்த தலைவருமான நான்சி பெலோசி தெரிவித்துள்ளார். அரசியல் எதிரியை பழிவாங்க அதிகாரத்தை தவறாக பயன்படுத்தியதாக கூறப்படும் விவகாரத்தில், அமெரிக்க அதிபா் டொனால்ட் டிரம்ப்பை பதவி நீக்கம் செய்வதற்கான வரைவுத் தீா்மானத்தை உருவாக்க அந்நாட்டின் நாடாளுமன்ற கீழவையின் தலைவரும், ஜனநாயகக் கட்சியின் மூத்த தலைவருமான நான்சி பெலோசி வியாழக்கிழமை ஒப்புதல் அளித்தார். அமெரிக்க நாடாளுமன்றத்தின் கீழவையில் இந்த தீா்மானம் வெற்றி பெற்றாலும், மேலவையில் குடியரசு கட்சிக்கு பெரும்பான்மை உள்ளதால், தீர்மானம் நிறைவேற வாய்ப்பில்லை என கூறப்படுகிறது.