மக்கள் முதல்வர் செல்வி ஜெயலலிதா வழிகாட்டுதலின்படி, மாநிலம் முழுவதும் பயனாளிகளுக்கு விலையில்லா நலத்திட்ட உதவிகள் தொடர்ந்து வழங்கப்பட்டு வருகின்றன.

நாகை மாவட்டம் தரங்கம்பாடி வட்டத்தில் உள்ள ஆக்கூரில் சிறப்பு மனுநீதி நாள் முகாம் நடைபெற்றது. இதில் தலைமை வகித்த சார் ஆட்சியர் பிரியதர்ஷிணி, பயனாளிகள் 24 பேருக்கு விலையில்லா வீட்டுமனை பட்டா மற்றும் 52 பயனாளிகளுக்கு முதியோர் உதவித்தொகைக்கான உத்தரவுகளையும் வழங்கினார். மேலும், புதிய குடும்ப அட்டை, பட்டா மாறுதல், வேளாண் கருவிகள் மற்றும் மானிய விலையில் இடுபொருட்கள் உள்ளிட்டவையும் வழங்கப்பட்டன. இதில், செம்பனார்கோயில் ஒன்றிய குழுத்தலைவர் திரு. கே.வி. ஜனார்த்தனம் உள்ளிட்ட உள்ளாட்சி பிரதிநிதிகள் கலந்து கொண்டனர். விலையில்லா நலத்திட்ட உதவிகளை பெற்றுக் கொண்ட பயனாளிகள் மக்கள் முதல்வருக்கு நெஞ்சார்ந்த நன்றி தெரிவித்தனர்.

வேலூர் மாவட்டம் அரக்கோணத்தில் உள்ள அரசு மகளிர் மேல்நிலைப்பள்ளி மாணவிகள் பயன்பெறும் வகையில் 3 லட்சம் ரூபாய் மதிப்பிலான மேஜை, அமரும் இருக்கை உள்ளிட்ட தளவாட சமான்களை சட்டமன்ற உறுப்பினர் திரு. ரவி வழங்கினார்.