104 வயது மூதாட்டி ஸ்கை டைவிங் செய்து கின்னஸ் சாதனை முயற்சி : 4,000 மீட்டர் உயரத்திலிருந்து குதித்த நிலையில் கின்னஸ் சான்று
Oct 4 2023 12:18PM
எழுத்தின் அளவு:
அ +
அ -
அ
அமெரிக்காவின் சிகாகோ நகரை சேர்ந்த 104 வயது பெண்மணி ஸ்கை டைவிங்கில் கின்னஸ் சாதனை முயற்சியில் ஈடுபட்ட வீடியோ இணையத்தில் வைரல் ஆகிவருகிறது.
சிகாகோ நகரில் வசிக்கும் டொரோத்தி ஹோஃப்னர் என்ற அந்த மூதாட்டி தனது நூறாவது வயதில் முதல் முறையாக ஸ்கை டைவிங்கில் ஈடுபட்டார். கடந்த 2022ஆம் ஸ்வீடனை சேர்ந்த லார்சன் என்ற 103 வயது பெண்மணி ஸ்கை டைவிங் செய்து கின்னஸ் சாதனை படைத்த நிலையில், தற்போது 104 வயதுடைய ஹோஃப்னர் வெற்றிகரமாக 4ஆயிரம் மீட்டர் உயரத்தில் இருந்து ஸ்கை டைவிங் செய்து கின்னஸ் சாதனை படைத்துள்ளார். டைவ் அடித்த பின் செய்தியாளர்களிடம் பேசிய ஹோஃப்னர் வயது என்பது வெறும் எண் தான் என கூறினார். ஹோப்னர் தனது பயிற்சியாளருடன் வானில் பறந்த வீடியோ இணையத்தில் வைரல் ஆன நிலையில் பலரும் கண்டு ரசித்தனர்.