இலங்கையிலிருந்து ராமேஸ்வரத்திற்கு கடத்தப்படவிருந்த ஐந்தரை கோடி ரூபாய் மதிப்பிலான 14 கிலோ தங்கக்‍கட்டிகள் பறிமுதல் செய்யப்பட்டன.

நெடுந்தீவு அருகே இலங்கை கடற்படையினர் ரோந்துப் பணியில் ஈடுபட்டபோது, அப்பகுதியில் நின்ற படகை நிறுத்தி சோதனை செய்தனர். அதில், தங்கக்‍ கட்டிகள் பதுக்கி வைக்கப்பட்டிருந்தது தெரியவந்தது. இதனையடுத்து, யாழ்ப்பாணம் மாவட்டம் மாதகல் பகுதியைச் சேர்ந்த இருவரை கைது செய்து காங்கேசன் கடற்படை முகாமிற்கு கடற்படையினர் அழைத்துச் சென்றனர். படகில் பதுக்கி வைக்‍கப்பட்டிருந்த 14 கிலோ 35 கிராம் தங்கத்தை பறிமுதல் செய்தனர். இதன் மதிப்பு ஐந்தரை கோடி ரூபாய் இருக்‍கும் என அதிகாரிகள் தெரிவித்தனர்.

யாழ்ப்பாணம் மாவட்டத்தை சுற்றியுள்ள பகுதிகளில் வசித்து வரும் பொதுமக்களின் நகைகளை திருடும் கும்பலிடம் இருந்து, திருட்டு நகைகளை வாங்கி, அவற்றை உருக்கி கட்டிகளாக மாற்றி, இலங்கையில் இருந்து தனுஷ்கோடிக்கு கடத்த முயன்றது விசாரணையில் தெரியவந்தது.