புதிய உச்சத்தை தொட்ட தங்கத்தின் விலை : சவரனுக்கு ரூ.752 அதிகரித்து ரூ.33,328 ரூபாய்க்கு விற்பனை
Feb 24 2020 5:08PM
எழுத்தின் அளவு:
அ +
அ -
அ
தங்கத்தின் விலை வரலாறு காணாத வகையில் உயர்ந்து புதிய உச்சத்தை தொட்டுள்ளது. சவரனுக்கு 752 ரூபாய் அதிகரித்து, 33,328 ரூபாய்க்கு விற்பனை செய்யப்படுகிறது.
கடந்த சில நாட்களாக தொடர்ந்து அதிகரித்து வரும் தங்கம் விலை, இன்றும் அதிரடி உயர்வு கண்டு, சவரன் 33 ஆயிரத்தை தாண்டி விற்பனையாகிறது. கிராமுக்கு 94 ரூபாய் அதிகரித்து, சவரனுக்கு 752 ரூபாய் உயர்ந்துள்ளது. சென்னையில், 22 கேரட் ஆபரணத் தங்கம், ஒரு கிராம் 4,166 ரூபாய்க்கும், ஒரு சவரன் 33,328 ரூபாய்க்கும் விற்பனையாகிறது. 24 கேரட் தங்கம், 8 கிராம், 34,992 ரூபாய்க்கு விற்பனை செய்யப்பட்டு வருகிறது. வெள்ளி ஒரு கிராம் 53 ரூபாய் 30 காசுகளுக்கும், ஒரு கிலோ 53,300 ரூபாய்க்கும் விற்பனை செய்யப்படுகிறது.