இஸ்லாமிய பெண்களை பற்றியும், ஷரியத் சட்டம் பற்றியும் தவறான கருத்துக்களை பரப்பிவரும் திரு.ஹெச்.ராஜா மீது நடவடிக்கை எடுக்கக்கோரி, அனைத்திந்திய இமாம்ஸ் கவுன்சில் அமைப்பினர் மதுரை மாநகர காவல் ஆணையரிடம் புகார் அளித்தனர்.

பாஜக உறுப்பினர் திரு.ஹெச்.ராஜா, இஸ்லாமிய கொள்கை மற்றும் இஸ்லாமிய பெண்கள் குறித்து அறுவருக்கத்தக்க வகையில் சமூகவலைதளங்களில் பதிவிட்டு வருவதாகவும், பொது இடங்களில் பேசிவருவதாகவும் அனைத்திந்திய இமாம் கவுன்சில் அமைப்பினர் குற்றம் சாட்டியுள்ளனர். இதுதொடர்பாக பாஜக உறுப்பினர் திரு.ஹெச்.ராஜா மீது நடவடிக்கை எடுக்கக்கோரி, மதுரை மாநகர காவல் ஆணையரிடம் அனைத்திந்திய இமாம் கவுன்சில் அமைப்பினர் புகார் மனு அளித்தனர். இதைத்தொடர்ந்து செய்தியாளர்களுக்குப் பேட்டியளித்த, இமாம்ஸ் கவுன்சில் அமைப்பினர், தமிழகத்தில் மத ரீதியான மோதலை உருவாக்கும் வகையில் பாஜகவினர் பேசிவருவதாகவும், அவர்கள் மீது உரிய நடவடிக்கை எடுக்க வேண்டும் என்றும் தெரிவித்தனர்.