தொலைதூரக் கல்வி தேர்வு முறைகேடு - மதுரை பல்கலை துணைவேந்தருக்கு உயர்நீதிமன்ற மதுரைக்கிளை நோட்டீஸ்
Oct 28 2020 5:08PM
எழுத்தின் அளவு:
அ +
அ -
அ
மதுரை காமராசர் பல்கலைக்கழக தொலைதூரக் கல்வி தேர்வில் நடைபெற்ற முறைகேடுகள் தொடர்பாக சிபிசிஐடி விசாரிக்கக் கோரிய வழக்கில், பல்கலைக்கழக துணை வேந்தர், பதிவாளருக்கு நோட்டீஸ் அனுப்ப உயர்நீதிமன்ற மதுரைக்கிளை உத்தரவிட்டுள்ளது. மதுரை எஸ்.எஸ். காலனியைச் சேர்ந்த லியோனல் ஆண்டனிராஜ் என்பவர் உயர்நீதிமன்ற மதுரைக்கிளையில் தேர்வு முறைகேடு குறித்து மனு தாக்கல் செய்தார். இந்த வழக்கை விசாரித்த நீதிபதிகள் திரு. கிருபாகரன், திரு. புகழேந்தி அமர்வு, தேர்வு முறைகேடு தொடர்பாக எடுக்கப்பட்ட நடவடிக்கை குறித்து, துணை வேந்தர் அறிக்கை தாக்கல் செய்ய உத்தரவிட்டு வழக்கை வரும் 19ஆம் தேதிக்கு ஒத்திவைத்தனர்.