தாம்பரத்தில் தாசில்தாரைக் கண்டித்து வி.ஏ.ஓக்கள் போராட்டம்
Jul 31 2021 12:43PM
எழுத்தின் அளவு:
அ +
அ -
அ
சம்பளத் தொகை, ஆண்டு ஊதிய உயர்வு தொகை வழங்காமல் நிலுவையில் இருப்பதைக் கேட்கச் சென்ற கிராம நிர்வாக அலுவலகர்களை, தாசில்தார் கண்டு கொள்ளாமல் சென்றதால், ஆவணங்களோடு உள்ளிருப்பு போராட்டத்தில் ஈடுபட்டனர். செங்கல்பட்டு மாவட்டம் தாம்பரம் மற்றும் அதனைச் சுற்றியுள்ள கிராம நிர்வாக அலுவலர்களுக்கு, இப்பிரச்சனை தொடர்பாக தாம்பரம் தாசில்தார் பிரேமாவை சந்திக்க, பெருங்களத்தூர், திருவஞ்சேரி, செம்பாக்கம், தாம்பரம், சிட்லபாக்கம், அகரம் தென், நன்மங்கலம், சித்தாலபாக்கம், ஆகிய பகுதிகளில் இருந்து கிராம நிர்வாக அலுவலர்கள் வந்தனர். அப்போது பிரச்சனை குறித்து கேட்காமல் இருக்கையில் இருந்து தாம்பரம் தாசில்தார் எழுந்து சென்றதால் அவர்கள் அதிருப்தி அடைந்தனர்.