கடலூரில் அடிக்‍கல் நாட்டப்பட்ட பேருந்து நிலையத்தை, அமைச்சரின் குறிஞ்சிப்பாடி தொகுதிக்‍கு கொண்டு செல்லும் தி.மு.க. அரசைக்‍‍ கண்டித்து, அம்மா மக்‍கள் முன்னேற்றக்‍ கழகம் சார்பில் இன்று ஆர்ப்பாட்டம் நடைபெற்றது. இதில் ஆயிரக்‍கணக்‍கானோர் கலந்து கொண்டு கண்டன முழக்‍கங்களை எழுப்பினர்.

கடலூரில் மாவட்ட ஆட்சியர் அலுவலகத்திற்கு அருகில் அமையவிருந்த பேருந்து நிலையத்தை நகருக்‍கு வெளியே சுமார் 12 கிலோ மீட்டர் தொலைவில் அமைக்‍க தி.மு.க அரசு முயற்சித்து வருவதைக்‍ கண்டித்து, அ.ம.மு.க. சார்பில், இன்று ஆர்ப்பாட்டம் நடைபெறும் என ‍கழகப் பொதுச் செயலாளர் திரு. டிடிவி தினகரன் அறிவித்திருந்தார்.

அதன்படி, கடலூர் பேருந்து நிலையத்தை குறிஞ்சிப்பாடி தொகுதிக்‍கு கொண்டு செல்ல முயற்சிக்‍கும் தி.மு.க அரசைக்‍ கண்டித்து, கடலூர் ஜாம்பவான் அருகே, அம்மா மக்‍கள் முன்னேற்றக்‍ கழகம் சார்பில், இன்று ஆர்ப்பாட்டம் நடைபெற்றது.

இந்த ஆர்ப்பாட்டத்தில், கழக துணை பொது செயலாளர்கள் திரு. N. ரங்கசாமி, திரு. G. செந்தமிழன், மண்டல பொறுப்பாளர் திரு. R. பாலசுந்தரம், கடலூர் கிழக்கு மாவட்ட செயலாளர் ஆடிட்டர் திரு.N. சுந்தரமூர்த்தி, வடக்கு மாவட்ட செயலாளர் திரு.அக்ரி P.முருகேசன், கடலூர் மேற்கு மாவட்ட செயலாளர் திரு. R. மோகன் உள்ளிட்ட கழக நிர்வாகிகளும், தொண்டர்களும் மற்றும் பொதுமக்‍களும் திரளான பங்கேற்றனர். பேருந்து நிலையத்தை மாற்றும் முடிவை தி.மு.க அரசு திரும்பப் பெற வேண்டும் என வலியுறுத்தி, ஆர்ப்பாட்டத்தில் கலந்துகொண்டவர்கள் முழக்‍கமிட்டனர்.